ავტორი:

"ტაქსის მძღოლს რომ არ დაენახა, მეორე დღეს მკვდარს ვიპოვიდით" - მიხეილ გიორგაძის მეგობარი ავარიის დეტალებს ჰყვება

"ტაქსის მძღოლს რომ არ დაენახა, მეორე დღეს მკვდარს ვიპოვიდით" - მიხეილ გიორგაძის მეგობარი ავარიის დეტალებს ჰყვება

განათლების, მეცნიერების, კულტურისა და სპორტის მინისტრის მოადგილე მიხეილ გიორგაძე ორი დღის წინ ავარიაში მოყვა. ის მრავლობითი მოტეხილობით ინგოროყვას სახელობის კლინიკაში, რეანიმაციულ განყოფილებაშია მოთავსებული და ამ დრომდე მართვით სუნთქვაზე იმყოფება. რა გახდა ავარიის გამომწვევი მიზეზი ამის გასარკვევად Ambebi.ge მინისტრის მოადგილის მეგობარს, კახა კანდელაკს დაუკავშირდა:

- ცოლ-შვილი ლოპოტაზე ჰყავდა და ერთი დღით თვითონაც ჩავიდა. მეორე დღეს სამსახურში უნდა წასულიყო, პიჯაკი თან არ ჰქონდა და ამიტომ ღამის 11 საათზე თბილისში წამოვიდა. თურმე გზა შეეშალა, რადგან ბნელოდა... სხვა მიმართულებით შეუხვია და ორმოებში ჩავარდა... ეტყობა, ჯერ თავი დაარტყა და გაითიშა, შემდეგ ბალიშები გაიხსნა და ამან ნეკნები ჩაუმტვრია. როგორც ჩანს, როდესაც გაითიშა მანქანაში აქეთ იქეთ ეხეთქებოდა და ამ დროს მიიღო ეს დაზიანებები. მთავარია ხერხემალი და ტვინი არ აქვს დაზიანებული. ფილტვი აქვს შეკუმშული, ახლა მთავარია სწორედ ფილტვის გამართული მუშაობა, ჯანმრთელი ადამიანია, არ სვამს და იმედი გვაქვს, რომ ეს გადაარჩენს. კრიტიკული 48 საათი საღამოს გადის.

- ნასვამი იყო თუ გადაღლილი?

- საერთოდ არ სვამს, დაბადების დღეებზეც კი. ბავშვობიდან ასეა, გადაღლილიც არ ყოფილა, შუადღით თურმე დაიძინა კიდეც. უბრალოდ იმ გზაზე რომ მოხვდა, ამიტომ დაშავდა. თქვენ წარმოიდგინეთ მანქანის მინაც კი არ არის ჩამტვრეული, ხეებისთვისაც აუცილებია. უკან ტაქსის მძღოლი მოდიოდა და იმას დაუნახია, რომ იმ გზაზე შევარდა და მაგან გადაგვარჩინა, თორე მეორე დღეს მკვდარს ვიპოვიდით.

- ექიმები რას ამბობენ?

- მდგომარეობა არის სტაბილურად მძიმე. ქირურგიული ჩარევა არ სჭირდება, რადგან ფილტვი აქვს შეკუმშული, დიდი დატვირთვა რომ არ ჰქონდეს, ამის გამო ჰყავთ გათიშული. გულის კუნთები ამუშავდა, წნევაც დაურეგულირდა და ახლა მტავარია ეს კრიტიკული საათები უნდა გადალახოს აუცილებლად.

VIDEO: მიხეილ გიორგაძის მეგობარი ავარიაზე, რომლის შემდეგაც მინისტრის მოადგილე მართვით სუნთქვაზე იმყოფება

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ