23 წლის ლუკა ალიბეგაშვილის გადასარჩენად საქველმოქმედო კონცერტი იმართება. ალიბეგაშვილს მწვავე მიელოიდური ლეიკემია დაუდგინდა, ის მკურნალობას თურქეთში გადის.
მეგობრების ინფორმაციით, ლუკას ძვლის ტვინის გადანერგვა ესაჭიროება, რომლის ღირებულებაც 75000 დოლარს შეადგენს.
„სანამ გაიგებდა თავის დიაგნოზს, არაფერი აწუხებდა. ერთ დღეს სახლში დაღლილი მოვიდა, ზურგზე სისხლჩაქცევა შეამჩნია, ყურადღება არ მიაქცია... ასეთ უმნიშვნელო დეტალებს ხომ არავინ ვაქცევთ ყურადღებას... ღამე მუცელი ასტკივდა, ვერ დაიძინა. სასწრაფო რომ გამოიძახეს, აღმოჩნდა, რომ სხეულზე, ხელებზე და ფეხებზე კიდევ გასჩენოდა სისხლჩაქცევები...
მერე რა და როგორ მოხდა, ამის მოყოლას არ დავიწყებთ... ფაქტი ერთია, 1 ოქტომბრის შემდეგ ლუკას ცხოვრება თავდაყირა დადგა,“ - აღნიშნავენ მეგობრები.
მის დასახმარებლად 27 ნოემბერს კონცერტი „ივენთ ჰოლში“ გაიმართება, ბილეთის საფასური კი 25 ლარია, რომლის შეძენა ონლაინ შეგიძლიათ.