ავტორი:

ფესტივალში "პაემანი რუსეთთან" მონაწილე რუსი კინემატოგრაფისტები საქართველოში არ შემოუშვეს - გიორგი გახარიას განმარტება

ფესტივალში "პაემანი რუსეთთან" მონაწილე რუსი კინემატოგრაფისტები საქართველოში არ შემოუშვეს - გიორგი გახარიას განმარტება

შინაგან საქმეთა სამინისტრომ რუსეთის ფედერაციის სამ მოქალაქეს საქართველოში შემოსვლაზე უარი უთხრა. აღნიშნული პირები რუსეთის იმ დელეგაციის წევრები არიან, რომლებსაც კინემატოგრაფიულ ფესტივალში „პაემანი რუსეთთან“ უნდა მიეღოთ მონაწილეობა.

რუსი კინემატოგრაფისტების მიერ დარღვეული იყო „ოკუპირებული ტერიტორიების შესახებ“ კანონი, - ასე გამოეხმაურა შინაგან საქმეთა მინისტრი გიორგი გახარია საქართველოში შსს-ს აღნიშნულ გადაწყვეტილებას.

„ეს ხდებოდა რამდენიმე საათის უკან, როდესაც ჩვენ გზაში ვიყავით. რეალურად, ჩვენ მივიღეთ ის გადაწყვეტილება, რა გადაწყვეტილებაც უნდა მიგვეღო. ჩვენ ბევრი საბაბი გვაქვს იმისთვის, რომ არასასურველი ადამიანები, მოქალაქეები ჩვენს ქვეყანაში არ შემოვუშვათ. რაც გავაკეთეთ, მათ შორის, იმ მიზეზის გამო, რომ ოკუპაციის შესახებ კანონი იყო დარღვეული“, - განაცხადა გიორგი გახარიამ.

როგორც „ინტერპრესნიუსს“ შსს-ში განუცხადეს, რუსი კინემატოგრაფისტები საქართველოში დღეს მოსკოვი-თბილისის რეისით ჩამოფრინდნენ.

ფილმი, რომელიც გია ყანჩელის ცხოვრების შესახებ ყვება - 23 ნოემბერს "სევდის ანგელოზების" პრემიერა შედგება

"დედას დღეს მაინც გავახსენდები?" - მარტა ბარამიძის გულახდილი პასუხები

"საფრანგეთის უნივერსიტეტი, სადაც  ვსწავლობდი, სალომე ზურაბიშვილმა და შვიდმა პრეზიდენტმა დაამთავრა" -  რა გეგმები აქვს "ევროვიზიაზე" თამარ კაკალაშვილს