მცირეწლოვანი შვილის დედას, 27 წლის თიკო ზაუტაშვილს საზოგადოების დახმარება ესაჭიროება

27 წლის თიკო ზაუტაშვილს, რომელსაც მკერდის სიმსივნე (ინვაზიური კარცინომა G3) დაუდგინდა, საზოგადოების დახმარება ესაჭიროება. როგორც Ambebi.ge-ს გოგონას ახლობლები უყვებიან, რამდენიმე თვის წინ ის ექიმთან მკერდის არეში ჯირკვლის არსებობის გამო მივიდა, რა დროსაც ექიმებმა სიმსივნის დიაგნოზი დაუსვეს.

ამ დროისთვის მას უკვე გავლილი აქვს ქიმიოთერაპიის 3 კურსი. ასევე ჩაუტარდა ოპერაცია, რომლის დროსაც ერთი მკერდი მოკვეთეს. საჭიროა კიდევ რამდენიმე ქიმიოთერაპიის კურსი, რაც დიდ თანხებთან არის დაკავშირებული. თიკოს მეუღლე და მცირეწლოვანი შვილი ჰყავს.

დახმარების მსურველებს თანხა შეუძლიათ გადარიცხონ თიბისი ბანკის ანგარიშზე: GE30TB7857145061100071

მიმღები: ნინო ზაუტაშვილი