რატომ ეცვათ გერმანელ ჯარისკაცებს ფრონტის ხაზზე ქალის ტანსაცმელი

ხელოვანმა მარტინ დამანმა ახალ წიგნში გამოაქვეყნა ფოტოები, სადაც ნაცისტური გერმანიის სამხედრო პირები ფრონტის ხაზზე ქალების კაბებში ჩაცმულები პოზირებენ.

დამანს სურდა, გამოეკვლია ჯარისკაცების ცხოვრება მესამე რაიხის პირობებში, შედეგად კი გასაოცარ ფოტოებს მიაკვლია. სურათებზე ჯარისკაცებს ბუსტჰალტერები, ხელით დამზადებული მოკლე ზედები და ზეწრებისგან „შეკერილი“ ქვედაბოლოები აცვიათ.

გერმანელი ნაცისტებისთვის ქროსდრესინგი (საწინააღმდეგო სქესის სამოსის ჩაცმა) მეორე მსოფლიო ომის დროს სიახლე არ ყოფილა, მათ ქალის კაბები პირველი მსოფლიო ომის მიმდინარეობისასაც ეცვათ.

ნახეთ, ასევე : "ჰიტლერი ჰომოსექსუალიც იყო და ჰეტეროსექსუალიც," - სკანდალური ანგარიშის მიხედვით, ფიურერი გეების ჰოსტელში ცხოვრობდა

სავარაუდოდ, ეს ერთგვარი გართობა იყო დაღლილი ჯარისკაცებისთვის, მათი უმეტესობა ჰეტეროსექსუალი მამაკაცი იყო, რომლებსაც ენატრებოდათ ქალების კამპანიაში ყოფნა.

ფოტოების დიდი ნაწილი, რომელიც წიგნშია თავმოყრილი, სხვადასხვა საზეიმო ღონისძიებასა და წვეულებაზეა გადაღებული.

სოციოლოგი ჰარალდ ველცერი ამბობს, რომ ჯარისკაცების ფოტოებზე უჩვეულო არაფერი ჩანს.

„როგორ პარადოქსულადაც არ უნდა ჟღერდეს, ვერმახტის სამხედროების ფოტოები ქალის საცვლებში, რომელიც ერთი შეხედვით ასეთი ეგზოტიკურია, სრულიად ბუნებრივია ომის პერიოდისთვის,“ - აღნიშნავს ველცერი.