რატომ მოხვდა გურანდა გაბუნია საავადმყოფოში - "ახლა ყველაფერი კარგად არის"

გავრცელებული ინფორმაციით, მსახიობი გურანდა გაბუნია მძიმე მდგომარეობაში კლინიკაში იმყოფება. ინფორმაციის გადასამოწმებლად, AMBEBI.GE მსახიობის მეგობარს, თეატრმცოდნეს და ტელე-რადიო წამყვანს ნიკა წულუკიძეს დაუკავშირდა.

- ნიკა, გავრცელდა ინფორმაცია, რომ გურანდა გაბუნია კლინიკაში მოათავსეს, როგორია მისი მდგომარეობა?

- გურანდა გაბუნია ერთი თვის წინ სახლში წაიქცა და მოიტეხა ფეხი. როცა აღარ გამოჩნდა, კარი შეანგრიეს და ის მძიმე მდგომარეობაში დახვდათ. ამის შემდეგ გადაიყვანეს კლინიკაში, გაუკეთეს ოპერაცია, რომელიც სამწუხაროდ გართულდა, მაგრამ ახლა ყველაფერი კარგად არის. ვიყავი მასთან კლინიკაში, სამომავლო გეგმებზე მესაუბრა, კერძოდ 80 წელი უსრულდება და ამ იუბილესთვის ემზადება. დღესაც მივდივარ მასთან და მოვინახულებ.