"ხმას კი არა, ქვას არ მოგცემთ" - სახალისო ბიულეტენები და შემთხვევები საარჩევნო უბნებზე

"სალომე არ არის ღირსეული, ბიძინამ იმედები გამიცრუა, მაგრამ ნაცები აღარ!" - ასეთი შინაარსის წარწერა გააკეთა ერთ-ერთმა ამომრჩეველმა საკუთარ ბიულეტინზე. საარჩევნო უბანზე გადაღებული ფოტო Ambebi.ge-ს ინტერნეტმომხმარებელმა მიაწოდა.

"ხმას კი არა, ქვას არ მოგცემთ" - ეს სახალისო წარწერა კი საარჩევნო ბიულეტინზე გურულმა ამომრჩეველმა გააკეთა. ფოტო "გურიანიუსმა" გაავრცელა.

იხილეთ ვიდეო: "ხმას კი არა, ქვას არ მოგცემთ" - ენაკვიმატი გურულის მინაწერი და გადახაზული ორივე კანდიდატი საარჩევნო ბიულეტინზე

ტენდენციას არ ჩამორჩა "გირჩის" მხარდამჭერი. თბილისში, საბურთალოზე ამომრჩეველმა ბიულეტენში ორივე კანდიდატი გადახაზა და მიაწერა: "სანამ დათვლით, მოწიეთ. მოკითხვა გირჩისგან". ფოტოზე ჩანს პატარა ქაღალდში შეხვეული მოსაწევი საშუალება, რომელიც სავარაუდოდ, თუთუნია.

არჩევნების მეორე ტური გამონაკლისი არ აღმოჩნდა უბნებზე გამოჩენილი ცხოველების ფოტოებითაც - სახალისიო ფოტოებს ტელეწამყვანი ინგა გრიგოლია "ფეისბუქის" პირად გვერდზე აქვეყნებს.

სოფელ საზანოში, საარჩევნო უბნის წინ კი 5-ნომრიანი ცოცხები დაკიდეს. ფოტო სოციალურ ქსელში ვრცელდება.

დღეს საქართველოში საპრეზიდენტო არჩევნების მეორე ტური მიმდინარეობს. 28 ნოემბრის არჩევნებში მონაწილეობს პრეზიდენტობის ორი კანდიდატი: №5 გრიგოლ ვაშაძე და №48 სალომე ზურაბიშვილი.