"ნიკა ჩემი მეგობარი იყო" - გიორგი მარგველაშვილი რურუების ოჯახში მისასამძიმრებლად მივიდა
ზანდუკელის ქუჩაზე რურუების ოჯახში საქართველოს პრეზიდენტი გიორგი მარგველაშვილი მივიდა. მან ნიკა რურუას ოჯახს სამძიმარი გამოუცხადა. პრეზიდენტს მედიასთან კომენტარი არ გაუკეთებია.
პრეზიდენტის თქმით, ნიკა რურუა იყო ძლიერი ადამიანი, კულტურის გამორჩეული მინისტრი და მისი მეგობარი.
"ნიკა ჩემი მეგობარი იყო. ძალიან ძლიერი ადამიანი, რომელიც ცხოვრების ყველა ეტაპზე საინტერესო იყო. ის ბევრ კულტურის მინისტრს შორის გამორჩეული იყო", - აღნიშნა საქართველოს პრეზიდენტმა.
შინაგან საქმეთა სამინისტროს პირველადი ინფორმაციით, ნიკა რურუა ოჯახის წევრების თანდასწრებით, სავარაუდოდ, გულის შეტევით არის გარდაცვლილი.
"მიმდინარე წლის 4 დეკემბერს თბილისის პოლიციის დეპარტამენტის ძველი თბილისის სამმართველოში შევიდა შეტყობინება, რომ "ნაციონალური მოძრაობის" პოლიტიკური საბჭოს წევრი, კულტურის ყოფილი მინისტრი ნიკა რურუა თბილისში, საკუთარ საცხოვრებელ ბინაში (ზანდუკელის ქუჩა N21) გარდაიცვალა.
პირველადი ინფორმაციით, ნიკა რურუა ოჯახის წევრების თანდასწრებით, სავარაუდოდ, გულის შეტევით არის გარდაცვლილი. მომხდართან დაკავშირებით გამოძიება საქართველოს სისხლის სამართლის კოდექსის 115-ე მუხლით მიმდინარეობს", - ნათქვამია შსს-ს ინფორმაციაში.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
