"ყოველთვის ჩემს გულში..." - რა ფოტოს აქვეყნებს ნიკა რურუას ქალიშვილი მამის გარდაცვალების შემდეგ

"ნაციონალური მოძრაობის" წევრის ნიკა რურუას გარდაცვალების შემდეგ მისი ქალიშვილი ლიზა რურუა "ფეისბუქზე" მამასთან ერთად, ბავშვობაში გადაღებულ ფოტოს აქვეყნებს, წარწერით: "ყოველთვის ჩემს გულში, მამა".

ნიკა რურუას პირველი ქორწინებიდან ორი ქალიშვილი ჰყავს - ლიზა და მარიამი, რომლებიც ამერიკაში დაიბადნენ. მისი მეუღლე სოფო გორგაძე იყო. ის საზოგადოებამ რამდენიმე თვის წინ გადაცემა "ჩემი სამზარეულოს წესებიდან" გაიცნო. სოფო პროექტში მონაწილეობას ლიზასთან ერთად იღებდა.

შეგახსენებთ, "ნაციონალური მოძრაობის" წევრი, პარლამენტის ყოფილი დეპუტატი, ნიკა რურუა 50 წლის ასაკში გარდაიცვალა. გარდაცვალების მიზეზად გულის შეტევა სახელდება. რურუა გარდაცვლილი საკუთარ სახლში, დედამ იპოვა. მომხდართან დაკავშირებით შსს-მ გამოძიება სისხლის სამართლის კოდექსის 115-ე მუხლით დაიწყო.