ვალებისგან გათავისუფლებულ „გაშავებულ" ადამიანებს 5 წელი სესხს არ მისცემენ - "რეზონანსი"
ვალების განულებიდან სულ მალე მსესხებლები შესაძლოა, ახალი სასესხო ვალდებულებებით დაიტვირთონ. არანაირი გარანტი არ არსებობს, რომ ისინი კრედიტის აღებას კვლავ არ შეეცდებიან. როგორც გაზეთი „რეზონანსი" წერს, მართალია, „კრედიტინფოს" ბაზა მათ შესახებ ინფორმაციას მომდევნო 5 წლის განმავლობაში შეინახავს და ბანკები ამ ადამიანებს სესხს არ მისცემს, მაგრამ ისინი მიკროსაფინანსო ორგანიზაციებისა და კერძო მევახშეების მომსახურებით ისარგებლებენ.
სპეციალისტები საუბრობენ იმაზეც, რომ პირველ ეტაპზე ისინი თანხის მიღებას საფინანსო სექტორის გვერდის ავლით, სანაცნობო წრეებში შეეცდებიან და კიდევ უფრო დაიტვირთებიან „პირადი ვალებით", რამაც შეიძლება, კრიმინოგენული სიტუაცია შექმნას. ისინი ფიქრობენ, რომ ვალების განულება ხდება უთანასწორო მეთოდით, რამდენადაც ყველას არ შეეხო და ჩამოეწერა მათაც, რომლებსაც საკმაოდ დიდი მოცულობის სასესხო ვალდებულებები ჰქონდათ.
როგორც ბანკების ასოციაციის თავმჯდომარე ალექსანდრე ძნელაძე ამბობს, ვალების ჩამოწერა შესაძლოა, დიდი მოცულობის სესხებსაც შეხებოდა, თუმცა საუბარია ხანდაზმულ სესხებზე. ამის შესახებ მან „ბიზნესპრესნიუსს" განუცხადა, თუმცა არ დაუკონკრეტებია, ხანდაზმული და დიდი მოცულობის სესხებიც ფონდმა „ქართუმ" შეისყიდა თუ კომერციულმა ბანკებმა" „აპატიეს" მსესხებლებს. იხილეთ ვრცლად
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
