პრინც ჰარის ცოლის დაცვა არ შეუძლია - მეგანის გარშემო უარყოფითი ტალღა სულ უფრო იზრდება

პრინცი ჰარი ცოლის, მეგან მარკლის გარშემო აგორებული ნეგატიური ინფორმაციის წინააღმდეგ ვერაფერს აკეთებს და თავს უძლურად მიიჩნევს, ამის შესახებ Us Weekly-ს სამეფო ოჯახთან დაახლოებულმა წყარომ განუცხადა.

„ეს ყველაფერი ჰარისა და მეგანის უერთიერთობაზე ახდენს ზემოქმედებას. იმის გამო, რომ ცოლს ვერ ეხმარება, პრინცი სასოწარკვეთილია. მეგანის ნეგატივისგან დაცვა მისთვის ძალიან რთული აღმოჩნდა,“ - ამბობს წყარო.

გასულ თვეს მედიაში გაჩნდა ინფორმაცია, რომ სასექსის ჰერცოგინია, რომელიც პირველ შვილზეა ორსულად, რძალთან, ქეით მიდლტონთან არის დაპირისპირებული. Us Weekly -ის წყარო ამბობს, რომ ინფორმაცია სიმართლეს არ შეესაბამება, თუმცა თემაზე სპეკულაცია მედიასაშუალებებში კვლავ გრძელდება.