მელანია ტრამპმა თმა ქერად შეიღება და "ტვიტერიც" "აფეთქდა"

აშშ-ს პირველი ლედი მედიაში ახალი იმიჯით გამოჩნდა. მელანია ტრამპი შეელია კარამელისფერ თმას, რომელიც ბოლო რამდენიმე წელი ჰქონდა და ქერა გახდა. მელანიას ქერა თმის "დებიუტი" პირველად ვირჯინიაში სამხედრო ბაზაზე სტუმრობის დროს შედგა, შემდეგ კი პირველმა ლედიმ ინტერვიუ მისცა Fox News-ის წამყვან ჯონ ჰანიტის.

მელანიას ახალი ვარცხნილობა ბევრად განსხვავდება მისი წინა იმიჯისგან. დონალდ ტრამპის მეუღლის საყვარელი სტილი "ომბრე" იყო, თუმცა ახლა მის თმაში უფრო მეტი ოქროსფერია, ვიდრე მუქი ფერები. ამერიკული მედია ვარაუდობს, რომ პირველი ლედი ახალ წელს ახალი იმიჯით ხვდება.

რა თქმა უნდა, სიახლე არ გამოჰპარვიათ ინტერნეტმომხმარებლებს. "ტვიტერი" აფეთქდა კომენტარებით მელანიაზე. ზოგიერთი მომხმარებელი წერს, რომ ვერ იცნო პირველი ლედი, რამდენიმე ხუმრობს, რომ თმის ფერით მელანია ქმარს დაემსგავსა. "ტვიტერის" მომხმარებლები ხუმრობენ იმაზეც, რომ მელანიამ თმა საგანგებოდ FOX-თან ინტერვიუსთვის შეიღება, რომ მის წამყვანებს დამსგავსებოდა (რადგან, უმრავლესობა ქერააა).

"როცა შენი ქმრისთვის ახალ ქოჩორს ზრდი..."; "მელანიამ ქმრის თმის მოვლის საშუალება მოიპარა..."; "ქმარს ემსგავსება"; "ალბათ უნდა საშობაო ბარათებზე ერთნაირად გამოიყურებოდნენ" - წერენ ინტერნეტმომხმარებლები.

თუმცა, არიან ისეთებიც, რომელთაც აშშ-ს პირველი ლედის ახალი იმიჯი ძალიან მოსწონთ - "ამ ფერმა სახე კიდევ უფრო გაუნათა! არაჩვეულებრივად გამოიყურებოდა ჯარისკაცებთან შეხვედრაზე. მადლობა, რომ ჩვენი პირველი ლედი ხართ!" - წერენ კომენტარებში.