მეგანსა და დედოფალს შორის ურთიერთობა ჰერცოგინიას მამის გამო დაიძაბა

ერთი შეხედვით, მეგან მარკლი და დედოფალი ელისაბედი ერთმანეთს საკმაოდ კარგად უგებენ, თუმცა, InStyle წერს, რომ ბევრ საკითხზე შეთანხმებას ვერ ახერხებენ. მაგალითად, ელისაბედი მიიჩნევს, რომ სიტყვა „ორსული“, რომელსაც მეგანი ხშირად იყენებს, ვულგარულია (მისი აზრით, აჯობებს მარკლმა სხვა ფრაზით ჩაანაცვლოს); დედოფალს არც სასექსის ჰერცოგინიას ფეხსაცმელები მოსწონს მაღალ პლატფორმაზე. თუმცა, მათ შორის დაძაბულობის მთავარი მიზეზი მეგანის მამა, ტომას მარკლია.

Vanity Fair-ის წყაროს ინფორმაციით, დედოფლის დავალებით ბუკინგემის სასახლეს ჰქონდა გეგმა, რომლის მიხედვითაც ჰერცოგინიას მამასთან დაკავშირებული სკანდალი უნდა მოეგვარებინათ, თუმცა კენსინგტონის სასახლემ წინადადება არ გაიზიარა - მეგანმა განაცხადა, რომ სიტუაციას თავად დაალაგებდა.

ორ სასახლეს შორის განსხვავებული პოზიციების გამო სიტუაცია დაიძაბა და იმის მიუხედავად, რომ ელისაბედის აზრი ყველაზე მნიშვნელოვანია, ბუკინგემის სასახლემ საქმეში მეტად ჩარევაზე უარი განაცხადა, რადგან საქმე მეგანის ოჯახს ეხება და მისი სურვილის წინააღმდეგ წასვლა არავის სურს.

ჰერცოგინიას მამა კი შვილთან დაკავშირებული ინტერვიუების მიცემას აგრძელებს. ცოტა ხნის წინ ტომას მარკლმა იმედი გამოთქვა, რომ მშობიარობის შემდეგ მეგანი მას საკუთარ შვილიშვილს გააცნობს.