"გთხოვთ ყველას, გულით ილოცეთ გია ყანჩელისთვის..." - კომპოზიტორი ჰოსპიტალიზებულია

ლეგენდარული ქართველი კომპოზიტორი გია ყანჩელი ჰოსპიტალიზებულია. არსებული ინფორმაციით, 84 წლის კომპოზიტორის ჯანმრთელობის მდგომარეობა მძიმეა. მისი მეგობარი, უკრაინული წარმოშობის ცნობილი ამერიკელი კლარნეტისტი იულიან მილკისი "ფეისბუქის" პირად გვერდზე წერს ამის შესახებ:

"გთხოვთ ყველას, მთელი გულით ილოცეთ გია ყანჩელისთვის. ის ჰოსპიტალშია და სიცოცხლისთვის იბრძვის. თუ ერთად ვილოცებთ და გავუგზავნით სიყვარულს, კარგ ენერგიას, უბრალოდ კეთილ სურვილებს... ვინ იცის..." - წერს მილკისი.

გია ყანჩელი ბელგიაში, ქალაქ ანტვერპენში ცხოვრობს და საქართველოს პერიოდულად სტუმრობს.