რუსთავის მერმა თბილისი-რუსთავის "მარშრუტკებით" მგზავრობის გაზრდილი საფასურის აღმნიშვნელი ფურცელი ჩამოხსნა და ძველი ტარიფი - 1,50 ლარი გააკრა
საპროტესტო აქციის მონაწილეებს რუსთავის მერი შეხვდა. ირაკლი ტაბაღუას განცხადებით, საკითხის გადასაჭრელად აქტიური მუშაობა მიმდინარეობს. კომპანიის მიმართ საჯარიმო სანქციები ხორციელდება, პარალელურ რეჟიმში მიმდინარეობს თბილისი-რუსთავის მარშრუტზე სამგზავრო ავტობუსების შემოყვანის საკითხზე მუშაობა.
აქციის მონაწილეებთან ერთად რუსთავის მერმა ირაკლი ტაბაღუამ თბილისი-რუსთავის მიმართულებით მიმავალ სამარშრუტო ტაქსში მგზავრობის გაზრდილი ღირებულების - 2 ლარის აღმნიშვნელი ფურცელი ჩამოხსნა და ძველი ტარიფი - 1,50 ლარი გააკრა. აქციის მონაწილებსა და მძღოლებს შორის ამის შემდეგ სიტყვიერი დაპირისპირება მოხდა.
ამ დროისთვის აქციის მონაწილეები კვლავ ქალაქის მერიასთან არიან შეკრებილები. რუსთავის მერიასთან ახალგაზრდების ჯგუფი თბილისი-რუსთავის მარშრუტზე მგზავრობის ღირებულების გაზრდას აპროტესტებს.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
