"ხვალ თბილისში იქნება ჩემი ბრჭყვიალა მეგობარი..." - ლევან ჩხაიძეს საქართველოში 25 იანვარს ჩამოასვენებენ

ჟურნალისტსა და ტელეწამყვანს ლევან ჩხაიძეს უნგრეთიდან საქართველოში ხვალ 25 იანვარს ჩამოასვენებენ. ამის შესახებ ტელეკომპანია "პირველის" ფეისბუქის გვერდზე გავრცელდა განცხადება.

"ლევან ჩხაიძეს (ჯაკოს) თბილისის საერთაშორისო აეროპორტში პარასკევს, 25 იანვარს, 17:40 საათზე ჩამოასვენებენ. პანაშვიდი 26 იანვარს წყნეთში, ფიროსმანის ქუჩა #6. გამოსვენება კვირას, 27 იანვარს ქაშვეთის ეკლესიიდან 15:00 საათზე" - ვკითხულობთ "ტვ პირველის" მიერ გავრცელებულ ინფორმაციაში.

ტელეწამყვანი ინგა გრიგოლია "ფეისბუქის" პირად გვერდზე წერს: "ხვალ საღამოს თბილისში იქნება ჩემი ბრჭყვიალა მეგობარი, ჩემი ყველაზე საიმედო მეგობარი"

33 წლის ლევან ჩხაიძე ბუდაპეშტში გარდაიცვალა, სადაც მეგობრებთან ერთად შვებულებას ატარებდა. არსებული ინფორმაციით, გარდაცვალების მიზეზად თრომბი სახელდება.