ლევან ჩხაიძე საბურთალოს სასაფლაოზე დაკრძალეს

ჟურნალისტი ლევან ჩხაიძე საბურთალოს სასაფლაოზე დაკრძალეს. მანამდე ქაშუეთის ეკლესიაში ჟურნალისტ ლევან ჩხაიძის პანაშვიდი მიმდინარეობდა. ოჯახს სამძიმარი გამოუცხადეს ლევან ჩხაიძის ახლობლებმა, მეგობრებმა, პოლიტიკოსებმა, ჟურნალისტებმა და რიგითმა მოქალაქეებმა. პანაშვიდზე იმყოფებოდა ქვეყნის პრემიერ-მინისტრი, მამუკა ბახტაძეც.

იხილეთ ვიდეო: მაია ასათიანი, ინგა გრიგოლია და სხვა ცნობილი ჟურნალისტები ლევან ჩხაიძის პანაშვიდზე

ლევან ჩხაიძეს ტაძრიდან 15:00 საათზე გამოასვენეს.

ლევან ჩხაიძე 33 წლის ასაკში გარდაიცვალა. ის წლების განმავლობაში მუშაობდა არაერთ მედიასაშუალებაში. იყო რადიო "ჯაკოს" სპორტული კორესპონდენტი, მუშაობდა ტელევიზიებში: "იმედი", "მეცხრე არხი", "მაესტრო", "იბერია" და "ტვ პირველი".