"ყველა ერთმანეთის ნათესავი იყო და ერთადაც წავიდნენ ამ ქვეყნიდან" - CO-თი გარდაცვლილი 7 მამაკაცის ვინაობა ცნობილია
საზარელი ტრაგედია დატრიალდა თბილისში, ქეთევან წამებულის ქუჩაზე, სადაც, სავარაუდოდ, კუსტარულად დამონტაჟებული ბუნებრივი აირის ხელსაწყოს ნამწვით დაგროვილი CO-თი 7 ადამიანი გარდაიცვალა.
მათგან ყველაზე უფროსი, ბათო სუთიძე 54 წლის არის, ყველაზე უმცროსი, ლაშა კობახიძე კი - 20-ის. გარდაცვლილები არიან ასევე ბათო სუთიძის შვილი 29 წლის ანზორ (კუსა) სუთიძე, მისი დისშვილი 28 წლის ნიკა კაპანაძე, ძმები - 32 წლის ვახტანგ და 39 წლის ჯონდო ყაზიშვილები, ასევე 24 წლის ნუკრი ჩუბინიძე.
ლაშა კობახიძე
"ყაზტრანსგაზის" ოფიციალური განცხადებით, კომპანიას ხელსაწყო - ბუნებრივი აირის წყლის გამაცხელებელი ჩახსნილი ჰქონდა, თუმცა ბინის მეპატრონეებმა ის თვითნებურად კვლავ მიუერთეს ბუნებრივ აირს, რის შემდეგაც ბინა გააქირავეს. გარდაცვლილები ზესტაფონის, თერჯოლის, გორის, ასპინძის მუნიციპალიტეტიდან იყვნენ და დედაქალაქის ერთ-ერთ მშენებლობაზე მუშებად მუშობდნენ. გარდაცვლილი მამა-შვილი ბათო და ანზორ სუთიძეები თერჯოლიდან იყვნენ, გორის რაიონიდან იყვნენ ძმები ყაზიშვილები.
ვახო და ჯონი ყაზიშვილები
ბათუ სუთიძის ახლობელი ოჯახის ტრაგედიის შესახებ საუბრობს: - ბათუ ტრაგიკული ბედის კაცი გამოდგა. ის თერჯოლაში ცხოვრობს, სხვა სახლ-კარი მას არ ჰქონია და ვერც ექნებოდა, - მისი მეუღლე წლებია მძიმე დაავადებას ებრძვის, ამას იმდენი ფინანსები სჭირდებოდა, იძულებული გახდა დაეტოვებინა სახლი და სამუშაო ეძებნა. პირველად ცოლის ნათესავებთან ცხოვრობდა თეთრიწყაროში, მაგრამ იქედან რომ ვერ იარა, თბილისში ნაქირავებ ბინაში გადავიდა...წაიკითხეთ სრულად
მთავარ ფოტოზე: ვახო და ჯონი ყაზიშვილები, ლაშა კობახიძე, ნიკა კაპანაძე, ბათო სუთიზე, ანზორ (კუსა) სუთიძე
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
