"უბრალო კომენტარიც არ ყოფილა - ქართველს გერმანულ კონკურსში რა უნდაო" - რას ჰყვება ნათია თოდუას გერმანელი მენეჯერი

"მე ვარ რა­ი­ნერ შმი­დტი, ვცხოვ­რობ გერ­მა­ნი­ა­ში, ქა­ლაქ ბრუქ­სელ­ში, სამი თვის წინ ავი­ღე ჩემს თავ­ზე პა­სუ­ხის­მგებ­ლო­ბა, ნა­თი­ას მე­ნე­ჯე­რი ვყო­ფი­ლი­ყა­ვი", - გვე­უბ­ნე­ბა "გერ­მა­ნი­ის ხმის", ნა­თია თო­დუ­ას გერ­მა­ნე­ლი პრო­დი­უ­სე­რი, რო­მე­ლიც ნა­თი­ას „სა­ქარ­თვე­ლოს ვარ­სკვლავ­ზე“ და­სას­წრე­ბად თბი­ლის­ში ჩა­მოჰ­ყვა. რო­გორც მა­ყუ­რებ­ლის­თვის უკვე კარ­გად არის ცნო­ბი­ლი, ნა­თია თო­დუა, „სა­ქარ­თვე­ლოს ვარ­სკვლა­ვის“ ჟი­უ­რის წევ­რია.

AMBEBI.GE რა­ი­ნერ შმი­დტს ნა­თი­ას შე­სა­ხებ გა­ე­სა­უბ­რა:

"ისე­დაც ჩვენს ოჯახ­ში ცხოვ­რობ­და და შემ­დეგ კი უკვე მისი მე­ნე­ჯე­რიც გავ­ხდი. ჩვე­ნი სა­მო­მავ­ლო გეგ­მე­ბი ნა­თი­ას ალ­ბო­მია, და­გეგ­მი­ლია ამ საქ­მის ბო­ლომ­დე მიყ­ვა­ნა. დიახ, ეს სა­მუ­შა­ო­ე­ბია ჩა­სა­ტა­რე­ბე­ლი. ალ­ბო­მი სექ­ტემ­ბრის ბო­ლომ­დე გვინ­და და­ვას­რუ­ლოთ, რომ ნო­ემ­ბრის და­სა­წყის­ში ტურ­ნე და­ვი­წყოთ. ამას­თან, ახლა გერ­მა­ნი­ის მას­შტა­ბით ბევ­რი კონ­ცერ­ტი გვაქვს“, - გვე­უბ­ნე­ბა სტუ­მა­რი, რო­მელ­საც მე­გაპ­რო­ექ­ტი „სა­ქარ­თვე­ლოს ვარ­სკვლა­ვი“ ძა­ლი­ან მოს­წონს.

„ბედ­მა გა­მი­ღი­მა და ჟი­უ­რის ყვე­ლა წევ­რი გა­ვი­ცა­ნი, სა­სი­ა­მოვ­ნოა, როცა ჟი­უ­რის წევ­რებს ერ­თმა­ნეთ­თან ასე­თი ურ­თი­ერ­თო­ბა აქვთ. ასე­ვე მათ შიდა სამ­ზა­რე­უ­ლო­საც გა­ვე­ცა­ნი,“ - დას­ძენს რა­ი­ნერ შმი­დტი. თა­ვად ნა­თი­ას კი ასე გვი­ხა­სი­ა­თებს: „ძა­ლი­ან სა­ინ­ტე­რე­სოა მას­თან მუ­შა­ო­ბა, ვი­ნა­ი­დან სულ ახალ-ახალ რა­ღა­ცებს იგო­ნებს. მუდ­მი­ვად აქვს იდე­ე­ბი და პი­როვ­ნუ­ლად ბევ­რი კარ­გი თვი­სე­ბა. სა­ინ­ტე­რე­სოა მას­თან ერ­თად საქ­მი­ა­ნო­ბა“, - აღ­ნიშ­ნავს მე­ნე­ჯე­რი.

- პი­რა­დად თქვენ­თვის რას ნიშ­ნავს, რომ ქარ­თვე­ლი გო­გო­ნა გერ­მა­ნი­ის ხმაა?

- ეროვ­ნე­ბას რა მნიშ­ვნე­ლო­ბა აქვს? ძა­ლი­ან ამა­ყე­ბი ვი­ყა­ვით, რომ გა­ი­მარ­ჯვა, ვი­ნა­ი­დან მისი ნი­ჭით მი­ვაღ­წი­ეთ იმას, რომ სწო­რედ ის გახ­და გერ­მა­ნი­ის ხმა. დიახ, უსა­ზღვროდ ბევ­რი ხმა მის­მა ნიჭ­მა მი­ი­ღო და არა სხვა რა­მემ. უბ­რა­ლო კო­მენ­ტა­რიც კი არ ყო­ფი­ლა - ქარ­თველს გერ­მა­ნულ კონ­კურ­სში რა უნ­დაო და გა­მარ­ჯვე­ბუ­ლად ვა­ღი­ა­რეთ. ამა­ზე და მის კან­დი­დატ­ზე სა­ზო­გა­დო­ე­ბა ერ­თხმად შე­თან­ხმდა.

- „ევ­რო­ვი­ზია“ სა­ქარ­თვე­ლოს­თვის ყბა­და­ღე­ბუ­ლი კონ­კურ­სია, სა­დაც ქარ­თვე­ლებს დი­დად არ გვი­მარ­თლებს. რა „ჯა­დოს­ნუ­რი“ ბა­რი­ე­რია ასე­თი, რო­მე­ლიც ვერ გა­დავ­ლა­ხეთ?

- ჩემი აზ­რით, შე­იძ­ლე­ბა ქარ­თვე­ლე­ბი უკე­თე­სე­ბი ხართ, ვიდ­რე ეს კონ­კურ­სია... მე­ო­რე ალ­ბათ ის არის, რომ კონ­კურ­სან­ტე­ბი ძა­ლი­ან სპე­ცი­ფი­კურ მუ­სი­კას ირ­ჩე­ვენ ხოლ­მე, რაც ევ­რო­პას არ უხ­დე­ბა...

- ანუ პო­ლი­ტი­კა არა­ფერ შუ­ა­შია?

- ნაკ­ლე­ბად.

- ხმა გავ­რცელ­და, რომ ნა­თი­ამ უარი თქვა გერ­მა­ნი­ის სა­ხე­ლით „ევ­რო­ვი­ზი­ა­ზე“ გას­ვლა­ზე. მარ­თლაც ასე იყო?

- ჩვენ­თვის მნიშ­ვნე­ლო­ვა­ნი იყო, რომ ჯერ ალ­ბომ­ზე დაგ­ვეს­რუ­ლე­ბი­ნა მუ­შო­ბა. რე­ა­ლუ­რად კი ევ­რო­პა­ში ამ კონ­კურ­სზე სხვა წარ­მოდ­გე­ნა არ­სე­ბობს. იქ მას დიდ მნიშ­ვნე­ლო­ბას არ ანი­ჭე­ბენ.

ჩვენ­თვის ამ ეტაპ­ზე მნიშ­ვნე­ლო­ვა­ნია მისი ალ­ბო­მი და სიმ­ღე­რა, რო­მე­ლიც ნა­თი­ამ და­წე­რა. ასე­თი იყო „ჩემი გზა“ და ის ახლა ამ გზას გა­დის და მო­მა­ვალ­შიც გა­ივ­ლის.