"დიახ, სიცოცხლეს ვაგრძელებ!" - რატომ მოხვდა მაია ასათიანი კლინიკაში და როგორია მისი ჯანმრთელობის მდგომარეობა

თოქ-შოუ "პროფილის" ავტორმა, ტელეჟურნალისტმა მაია ასათიანმა ცოტა ხნის წინ თავის „ფეისბუქგვერდზე“ ასეთი პოსტი გამოაქვეყნა: "ცოცხალი ვარ! კარგად ვარ! დღეს კლინიკიდან მწერენ! დიახ, სიცოცხლეს ვაგრძელებ!"

AMBEBI.GE მაია ასათიანს დაუკავშირდა, მან დეტალებზე საუბარი არ ისურვა, თუმცა დაადასტურა, რომ საავადმყოფოში იმყოფება.

მაია ასათიანმა AMBEBI.GE-ს გამოუგზავნა ფოტოც, რომელზეც გადასხმის აპარატზე შეერთებული მისი ხელია ასახული.

ტელეწამყვანის თქმით, გუშინ გულის შეტევით საავადმყოფოში მოხვდა, შესაბამისი კვლევა და მკურნალობა უკვე ჩაუტარდა.

როგორც მაია ასათიანმა AMBEBI.GE-ს უთხრა, ახლა თავს უკეთ გრძნობს და დღეს საავადმყოფოდან გაწერენ.