CO-თი გარდაცვლილი ძმების სახლი მაშინ გაქურდეს, როცა ოჯახის წევრები სასაფლაოზე მათ დაკრძალვაზე იმყოფებოდნენ
ისანში, ქეთევან წამებულის ქუჩაზე, CO-თი გარდაცვლილი ძმების, ჯონდო და ვახტანგ ყაზიშვილების საცხოვრებელი კოტეჯი, რომელიც დევნილთა დასახლებაში მდებარეობს, გაქურდეს. ამის შესახებ ინფორმაცია, გორის სათემო რადიო "მოზაიკამ" გაავრცელა.
AMBEBI.GE-ს ინფორმაციით, გორში, ვერხვების დევნილთა დასახლებაში მდებარე კოტეჯში, ჯერჯერობით დაუდგენელმა პირებმა სავარაუდოდ მაშინ შეაღწიეს, როცა ოჯახის ყველა წევრი და ახლობლები სასაფლაოზე, გარდაცვლილების დაკრძალვაზე იმყოფებოდნენ. ქურდობისას წაღებულია თანხა.
ყაზიშვილების ოჯახი ოკუპირებულ ტერიტორიაზე მდებარე სოფელ ზემო არცევიდანაა დევნილი.
როგორც შსს-ში განგვიცხადეს, მომხდარ ფაქტზე გამოძიება სსკ-ს 177-ე მუხლის მე-3 "ბ" ქვეპუნქტით მიმდინარეობს. აღნიშნული მუხლით გათვალისწინებული დანაშაული 4-დან 7 წლამდე თავისუფლების აღკვეთას ითვალისწინებს.
"ნეტავ სცოდნოდა, რამდენად ლამაზი იყო შინაგანად და გარეგნულად..." - როგორ იხსენებენ ატენის ქუჩაზე მოკლულ დედა-შვილს
დიდ დიღომში ახალგაზრდა ბიჭის ცხედარი იპოვეს
