სანზონაში CO-თი 2 წლის ბავშვი მოიწამლა - "ყაზტრანსგაზ-თბილისი" მოსახლეობას აფრთხილებს
სანზონაში, სადმელის ქუჩაზე, ერთ-ერთ გაქირავებულ კერძო სახლში 2 წლის ბავშვი CO-თი მოიწამლა. ინფორმაციას "ყაზტრანსგაზ-თბილისი" ავრცელებს. შემთხვევა წუხელ მოხდა.
"ყაზტრანსგაზ-თბილისის" სპეციალისტების ადგილზე მისვლისას აღმოჩნდა, რომ სახლში კუსტარულად დამონტაჟებულ, აკრძალულ ღია კამერიან წყალგამაცხელებელს ხმარობდნენ.
სახლის დათვალიერების დროს გაირკვა, რომ კერძო სახლში მეპატრონე ოთახებს აქირავებს, სადაც ასევე კუსტარულად დამონტაჟებული რამდენიმე ღია კამერიანი წყალგამაცხელებელია.
უსაფრთხოების მიზნით კერძო სახლში მცხოვრებთ გაზის მიწოდება შეუწყდათ. ბავშვის ჯანმრთელობას საფრთხე არ ემუქრება. კომპანია "ყაზტრანსგაზ-თბილისის" სპეციალისტებმა სახლის მეპატრონე გააფრთხილეს, რომ არ ჩართოს გაზი უნებართვოდ და სასწრაფოდ შეცვალოს აკრძალული ღია კამერიანი წყალგამაცხელებლები დახურული წვის კამერიანი დანადგარებით, რადგან ის სხვა ადამიანების სიცოცხლეს საფრთხეს უქმნის.
სტატისტიკის თანახმად CO-თი ინტოქსიკაციის და გარდაცვალების შემთხვევების 70 პროცენტი გაქირავებულ და დაგირავებულ ბინებში დაფიქსირდა. "ყაზტრანსგაზ-თბილისი" გაფრთხილებთ, ვიდრე იქირავებთ ან იგირავებთ ბინას, აუცილებლად შეამოწმებინეთ გაზგაყვანილობა და გაზის დანადგარები სპეციალისტებს. CO ბუნებრივ აირზე მეტად საშიშია" - ნათქვამია კომპანიის მიერ გავრცელებულ ინფორმაციაში.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
