ბექა წიქარიშვილი - აქციაზე დაკავებულებს შორის არიან დავით სუბელიანი და კონსტიტუციონალისტი ვახუშტი მენაბდე
ჭავჭავაძის #5-თან, სადაც საპროტესტო აქცია მიმდინარეობს, საზოგადოებრივი წესრიგისა და პოლიციელის კანონიერი მოთხოვნის დაუმორჩილებლობისთვის 4 პირია დაკავებული. ამის შესახებ "ინტერპრესნიუსს" შინაგან საქმეთა სამინისტროში განუცხადეს. შსს-ს ცნობით, აქციის მიმდინარეობისას საზოგადოებრივი წესრიგისა და პოლიციელის კანონიერი მოთხოვნის დაუმორჩილებლობისთვის ადმინისტრაციული სამართალდარღვევათა კოდექსის 166-ე და 173-ე მუხლებით დაკავებულია 4 პირი.
"თეთრი ხმაურის" ლიდერის ბექა წიქარიშვილის ინფორმაციით, რომელიც აქციაზე იმყოფება, დაკავებულებს შორის არიან "თეთრი ხმაურის" წევრი დავით სუბელიანი და კონსტიტუციონალისტი ვახუშტი მენაბდე.
ჭავჭავაძის გამზირზე საპროტესტო აქცია ამ წუთებშიც მიმდინარეობს. აქციის მონაწილეებმა ცოტა ხნის წინ ჩამოშალეს იმ შენობის ღობის ნაწილი, სადაც უბედური შემთხვევის შედეგად 2 მუშა გარდაიცვალა.
აქციის მონაწილეები მიმართავენ ხელისუფლების წარმომადგენლებს, მათ შორის თბილისის მერს კახა კალაძეს, მივიდნენ და არსებულ ვითარებას ადგილზე გაეცნენ. ადგილზე მობილიზებულია საპატრულო პოლიცია. ჭავჭავაძის გამზირზე ამ დროისთვის მოძრაობა თავისუფალია.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
