გიორგი დანელიას რუსეთში დაკრძალავენ - რა გახდა ქართველი რეჟისორის გარდაცვალების მიზეზი

რეჟისორ გიორგი დანელიას ცოლმა რუსულ „მეხუთე არხთან“ საუბრისას განაცხადა, რომ ქმრის გარდაცვალების მიზეზი გულის გაჩერება გახდა, ამის შესახებ Topnews წერს.

დანელია გუშინ, 4 აპრილს გარდაიცვალა. რეჟისორი პნევმონიის დიაგნოზით საავადმყოფოში 24 თებერვალს მოათავსეს, ბოლო დღეებში კი მისი ჯანმრთელობის მდგომარეობა დამძიმდა, გულის მწვავე უკმარისობა ჰქონდა. ამასთან, მდგომარეობა სეფსისითაც გართულდა.

დანელიას 9 აპრილს მოსკოვში დაკრძალავენ.