ევროსაბჭოს სასახლის წინ ზურაბ ჟვანიას ვარსკვლავი გაიხსნა - ცერემონიას ექსპრემიერის შვილებიც დაესწრნენ (ფოტოები)
სტრასბურგში, ევროპის საბჭოს სასახლის წინ საქართველოს ყოფილი პრემიერ-მინისტრის ზურაბ ჟვანიას ვარსკვლავი გაიხსნა. ვარსკვლავზე, ზურაბ ჟვანიას სახელთან და გვართან ერთად, პოლიტიკოსის ერთ-ერთი ყველზე ცნობილი ფრაზაა დატანილი: "მე ვარ ქართველი და მაშასადამე, ვარ ევროპელი".
ღონისძიებას საქართველოს პრემიერ-მინისტრი მამუკა ბახტაძე და ქართული დელეგაციის წევრები დაესწრნენ. სტრასბურგში იმყოფებოდნენ ასევე ზურაბ ჟვანიას მეუღლე ნინო ჟვანია და შვილები, ბუსა და ლიზა ჟვანიები.
VIDEO: ზურაბ ჟვანიას ცოლ-შვილის ემოცია სტრასბურგში, ზურაბ ჟვანიას ვარსკვლავის გახსნაზე
"მე ვარ ქართველი და მაშასადამე, ვარ ევროპელი"- ეს ფრაზა ზურაბ ჟვანიამ 20 წლის წინ ევროპის საბჭოს საპარლამენტო ასამბლეის სხდომაზე წარმოთქვა, მას შემდეგ, რაც ასამბლეამ ერთსულოვნად დაუჭირა მხარი საქართველოს ევროსაბჭოში გაწევრიანებას.
ევროპის საბჭოს სასახლის წინ იმ ცნობილი პოლიტიკური მოღვაწეების ვარსკვლავებია განთავსებული, რომლებსაც ევროპის საბჭოს მუშაობაში განსაკუთრებული წვლილი აქვთ შეტანილი.
ფოტოები: გიორგი ბერიძე
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
