"ბოლო სანახავ ადგილად შემოვიტოვე..." - პარიზში მყოფი ქართველების ემოციები ღვთისმშობლის ტაძარში გაჩენილ ხანძარზე
პარიზის ღვთისმშობლის ტაძარში გაჩენილ ძლიერ ხანძარს ამ დრომდე ებრძვიან. ტაძართან 400-მდე მეხანძრეა მობილიზებული. როგორც ფრანგული გამოცემა Le Figaro ერთ-ერთ მეხანძრეზე დაყრდნობით იუწყება, ხანძარი სწრაფად ვრცელდება და მისი ლოკალიზება რთულია. წინასწარი ინფორმაციით, ხანძარი ტაძრის ზემო ნაწილში გაჩნდა, სადაც სარემონტო-სარესტავრაციო სამუშაოები მიმდინარეობს. თუმცა, ამ ეტაპზე ხანძრის გაჩენის მიზეზი ჯერ დაზუსტებული არ არის. პარიზის პროკურატურამ ნოტრ-დამში გაჩენილ ხანძართან დაკავშირებით გამოძიება უკვე დაიწყო.
მსოფლიო მნიშვნელობის ძეგლის განადგურებას სხვადასხვა ქვეყნებიდან ინტერნეტმომხმარებლები ემოციური პოსტებით ეხმაურებიან... პარიზიდან მძიმე კადრები სოციალურ ქსელში ვრცელდება. ეს ყველაფერი განსაკუთრებით მძიმე სანახავია მათთვის, ვინც საფრანგეთის დედაქალაქში იმყოფება. მათ შორის არიან ქართველებიც:
"რომ ჩამოვედით პარიზში, ალექსანდრას ვუთხარი, რომ პარიზის ღვთისმშობლის ტაძარს განახებ, რომ გაიზრდები და ბევრს წაიკითხავ უფრო მიხვდები სად იყავი 6 წლის ასაკშითქო. რატომღაც ბოლო სანახავ ადგილად შემოვიტოვე, უნდა გავსულიყავით ცოტა ხნის წინ, მერე მეტროს ხაზის არეულობის გამო გადავიფიქრე და ზუსტად მეტროშივე გავიგეთ ეს ამბავი... ტრაგედიაა! ისტორია იწვის" - წერს ლიზა ერქომაიშვილი, რომელიც ამჟამად საფრანგეთის დედაქალაქში იმყოფება. იგი ადგილზე გადაღებულ ვიდეოსაც აქვეყნებს.
ასევე პარიზიდან ვიდეოს აქვეყნებს ქართველი მიხეილ ფაღავა:
ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა
მაქმანებიანი შავი კაბა და ულამაზესი საყურე - ქეით მიდლტონი მუსიკალურ წარმოდგენაზე შეუდარებლად გამოიყურებოდა
