შვედეთის ელჩი ბათუმში გადაღებულ ფოტოებს აქვეყნებს. „ტვიტერზე“ ულრიკ ტიდესტრომმა „მოცეკვავე შადრევნების“ აუზის ორი ფოტო განათავსა, ერთი შორი რაკურსით, მეორე კი - ახლო ხედით არის გადაღებული.
„მოცეკვავე შადრევნების აუზი ბათუმში. შორიდან ლამაზია, ახლოდან კი - ნაკლებად მომხიბვლელი,“ - წერს ტიდესტრომი.
ტიდესტრომი აჭარაში სააღდგომო შვებულებას ოჯახთან ერთად ატარებს. რამდენიმე დღის წინ მან "ტვიტერზე" გააზიარა ფოტოები სახელწოდებით "მოგესალმებით მშვენიერი ბათუმიდან", სადაც ჩანს, როგორ ისვენებენ ელჩი და მისი მეუღლე შვილებთან ერთად.