მალხაზ მაჩალიკაშვილმა პარლამენტის მიმდებარე ტერიტორია ტაქსით დატოვა

მალხაზ მაჩალიკაშვილმა პარლამენტის მიმდებარე ტერიტორია რამდენიმე წუთის წინ დატოვა. როგორც მან ჟურნალისტებს განუცხადა, ის სალოცავად წავიდა თუმცა არ დაუკონკრეტებია, თუ კონრეტულად სად წავიდა.

მან ტერიტორია ტაქსით დატოვა. მანამდე სუს-ის მიერ მის წინააღმდეგ გავრცელებულ ბრალდებასთან დაკავშირებით მცირე კომენტარი გააკეთა. როგორც მალხაზ მაჩალიკაშვილმა აღნიშნა, ის დიდი ხანია თემირლან მაჩალიკაშვილის მკვლელობის გამოძიებასა და სამართლიანობის აღდგენას უშედეგოდ ითხოვს, სახელმწიფო კი, მის განადგურებას ცდილობს.

სახელმწიფო უსაფრთხოების სამსახურის ინფორმაციით, მალხაზ მაჩალიკაშვილს ტერორისტული აქტის ორგანიზების გზით რამდენიმე პირის მკვლელობა ჰქონდა განზრახული. აღნიშნულის სუს-ის საგანგებო ბრიფინგზე გახდა ცნობილი, სადაც მაჩალიკაშვილისა და ძმისშვილის ჩანაწერი გამოაქვეყნეს.

მოისმინეთ ჩანაწერი: "იქ რომ მივლენ, იქ უნდა გავანადგუროთ ეგენი"