ოთო ნემსაძე „ევროვიზიის“ ფინალში ვერ მოხვდა

ოთო ნემსაძე „ევროვიზიის“ ფინალში ვერ მოხვდა. ისრაელში მიმდინარე მუსიკალური კონკურსის ნახევარფინალში 20 ქვეყანა წარსდგა და მათგან ფინალში 10 ქვეყნის წარმომადგენელი გადავიდა, თუმცა, სამწუხაროდ, არა საქართველო.

ოთო ნემსაძემ შოუზე სიმღერა - „სულ წინ იარე“ ანსამბლ „შავნაბადასთან“ ერთად შეასრულა. საქართველომ კონკურსში შთამბეჭდავი სანახაობა წარადგინა და ოთოს შესრულებაც ერთ-ერთი საუკეთესო იყო, თუმცა სამწუხაროდ, ჩვენ ქვეყანას „ევროვიზიის“ ფინალში მოსახვედრად ქულები არ ეყო.

ფინალში იმღერებს ქართველი მომღერალი თამთა გოდუაძე, რომელიც კონკურსში კვიპროსის სახელით გამოდის.

ევროვიზია 2019-ის გამარჯვებული 18 მაისს გამოვლინდება.