"ჩვენი პატარა მოგზაური უკვე შინაა" - დაუნის სინდრომის მქონე დაკარგული ბიჭუნა პოლიციელებმა იპოვეს
საქართველოს დაუნის სინდრომის ასოციაცია "ფეისბუქის" გვერდზე დაკარგული ბიჭუნას შესახებ წერს, რომელიც პოლიციის თანამშრომლებმა იპოვეს. დაუნის სინდრომის მქონე 10 წლის ბიჭი, რომელსაც ოჯახი რამდენიმე საათის განმავლობაში ეძებდა, სახლში უვნებლად დააბრუნეს:
დღეს განსაკუთრებული დღე გვაქვს! დაკარგული მოზარდი, რომელსაც მეტყველების სირთულეები აქვს, პოლიციელებმა უმოკლეს დროში იპოვეს, იქამდე სანამ 112-ში შეტყობინება შევიდოდა.
ჩვენი პატარა მოგზაური უკვე შინაა და თავს კარგად გრძნობს, მოეწონა კიდეც პოლიციასთან ერთად მანქანით გასეირნება, სადაც მას პოზიტიური განწყობა და სათამაშოები დახვდა.
საქართველოს დაუნის სინდრომის ასოციაცია დიდ მადლობას უხდის გაწეული ოპერატიული და პროფესიონალურად შესრულებული საქმისთვის თბილისის პოლიციის დეპარტამენტის ვაკე-საბურთალოს II განყოფილების თანამშრომლებს - ანდრო ოთინაშვილს, კახა ლამაზოშვილს, რომიკო გოგიაშვილს და ილია მეღვინიშვილს.
აღსანიშნავია, რომ შინაგან საქმეთა სამინიტროს საპატრულო პოლიციას და საქართველოს დაუნის სინდრომის ასოციაციას დიდი ხნის მეგობრობა გვაკავშირებს და წლების განმავლობაში ჩვენი საქმიანობის ერთგული მხარდამჭერია" - ნათქვამია ასოციაციის განცხადებაში.
"სინამდვილეში გახარია არც ანგელოზია და არც ნაძირალა, უბრალოდ პროცესმა დატვირთა ცოდვებით და წარმატებებით" - ხუხაშვილი
გახარიას გამოსამშვიდობებელი "სელფი" "ფეისბუქზე" რეკორდს ხსნის
