მიკროავტობუსები თბილისში შეფერხებით მოძრაობენ - რა განმარტება აქვთ კომპანიაში
„თბილისის მიკროავტობუსი“ დედაქალაქში სამარშრუტო ტაქსების მუშაობის შეფერხების მიზეზს განმარტავს.
როგორც „ინტერპრესნიუსს“ კომპანიაში განუცხადეს, დღეს დილიდან მიკროავტობუსების მუშაობის შეფერხება, კაიროს ქუჩაზე მდებარე ავტოფარეხთან მოსახლეობის მიერ გზის გადაკეტვას უკავშირდებოდა, თუმცა ამ დროისთვის გზა გახსნილია.
„3 ივნისს, დილის 06:00 საათზე კაიროს ქუჩაზე მდებარე თბილისის მიკროავტობუსების ავტოფარეხიდან სატრანსპორტო საშუალების სამუშაო ხაზებზე გასვლას შეექმნა პრობლემა. ადგილობრივმა მოსახლეობამ გასასვლელი ჩაკეტა კონკრეტული მოთხოვნების საფუძველზე, რომელიც არ უკავშირდება კომპანიის მუშაობას. ამ დროისთვის ავტოფარეხიდან მიკროავტობუსების გასასვლელი გათავისუფლებულია და სატრანსპორტო საშუალებების მოძრაობა აღდგენილია“, - ნათქვამია განცხადებაში.
შეგახსენებთ, რომ დილიდან შეფერხებით მუშაობდნენ სამარშრუტო ტაქსები ვარკეთილი-ვაზისუბნიდან ქალაქის ცენტრალური ნაწილის მიმართულებით.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
