ე.წ. ჩინელების ბაზრობის ტერიტორიაზე, სადაც ხანძარია, გიორგი კოდუა მივიდა
ლილოში ე.წ. ჩინელების ბაზარობის ტერიტორიაზე, სადაც ხანძარია, გიორგი კოდუა მივიდა. ის ამ დროისთვის ჟურნალისტებთან მომხდარზე კომენტარს არ აკეთებს და აცხადებს, რომ სიტუაციაში ერკვევა. ცეცხლი ე.წ ჩინელების ბაზარში დაახლოებით ერთი საათის წინ გაჩნდა. ამ დროისთვის ცეცხლი ლოკალიზებულია.
"ჩაინა ლილო სითის" წარმომადგენლის ინფორმაციით, ტერიტორია, სადაც ხანძარია, კოდუების დედას ლაურა ღაჭავას ეკუთვნის.
"ამ ტერიტორიის მეპატრონე არის ლაურა ღაჭავა, არაფერს გამოვრიცხავ, მათ შორის იმასაც, რომ ხანძარი განზრახ იყოს გაჩენილი" - აღნიშნა ზვიად ქირიამ
მან მეხანძრეების მიმართ უკმაყოფილება გამოთქვა და აღნიშნა, რომ ხანძარი უკვე ლოკალიზებული იყო, როდესაც მეხანძრეებს წყალი არ ჰქონდათ და ცეცხლი ისევ გაღვივდა. მან კიდევ ერთხელ გაიმეორა, რომ არაფერს გამორიცხავდა და "სახელმწიფოს მხრიდან ზეწოლაზე" ისაუბრა, თუმცა დეტალები არ დაუკონკრეტებია.
ე.წ. ჩინელების ბაზარში ცეცხლი უკვე ლოკალიზებულია და მიმდინარეობს სალიკვიდაციო სამუშაოები. ხანძრის შედეგად დამწვარია, დაახლოებით 1 000 კვ.მ. ფართობი და პროდუქციის ნაწილი. ხანძართან დაკავშირებით, შინაგან საქმეთა სამინისტრომ გამოძიება დაიწყო. როგორც „ინტერპრესნიუსს“ უწყებიდან აცნობეს, მომხდარზე გამოძიება სისხლის სამართლის კოდექსის 187-ე მუხლის მე-2 ნაწილით მიმდინარეობს, რაც ცეცხლის მოკიდებით სხვისი ნივთის დაზიანებას ან განადგურებას გულისხმობს.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
