ძლიერი წვიმის გამო გმირთა მოედანი-თამარაშვილის მიმართულებით - მდინარე ვერეს ხეობაში ავტოტრანსპორტის მოძრაობა აიკრძალა
თბილისში მოსული ძლიერი წვიმის გამო, ზოგიერთ ქუჩაზე ავტოტრანსპორტის მოძრაობა შეიზღუდა.
კერძოდ, გმირთა მოედანი-თამარაშვილის მიმართულებით – მდინარე ვერეს ხეობაში, მოქმედებს მოძრაობის დროებითი შეზღუდვის რეჟიმი და ყველა სახის ავტოტრანსპორტის მოძრაობა აკრძალულია. აღნიშნულ ინფორმაციას შინაგან საქმეთა სამინისტროს საპატრულო პოლიციის დეპარტამენტი ავრცელებს.
მათივე ინფორმაციით, თბილისის მასშტაბით, საგანგებო სიტუაციების სამსახურში 25 შეტყობინებაა შესული. შეტყობინებები ძირითადადად ხის წაქცევებს, ტოტები ჩამოვარდნასა და ქუჩებზე წყლის დონის მომატებას, ასევე, რამდენიმე სახლში წყლის შესვლას ეხება.
საგანგებო სიტუაციების მართვის სამსახურიდან ყველა ლოკაციაზე გასულები არიან მაშველები. შეტყობინებები საგანგებო სიტუაციების მართვის სამსახურში ძირითადად დიდუბე-ჩუღურეთიდან და ვაკე-საბურთალოდან შევიდა.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
