ორგანიზატორები - თუ გიორგი გახარია 14:00 საათამდე არ გადადგება, აქცია 19:00 საათზე განახლდება

თუ შინაგან საქმეთა მინისტრი გიორგი გახარია, დღეს, 14:00 საათამდე არ გადადგება, საპროტესტო აქცია 19:00 საათზე ისევ პარლამენტის შენობასთან განახლდება. ამის შესახებ აქციის ორგანიზატორებმა გუშინ, პარლამენტის შენობის წინ განაცხადეს.

შეგახსენებთ, რომ აქციის მონაწილეები შს მინისტრის გიორგი გახარიას გადადგომას და არჩევნების პროპორციული წესით ჩატარებას ითხოვენ. გარდა ამისა, მათი მოთხოვნა 20 ივნისს დაკავებულების გათავისუფლება და მოძალადე პოლიციელების დასჯაა.