"ვდგავარ მყარად და არ შევწყვეტ ბრძოლას" - გოგონა, რომელმაც აქციაზე თვალი დაკარგა, საავადმყოფოდან გაწერეს
გოგონა, რომელმაც 20 ივნისის აქციის დარბევის დროს თვალი დაკარგა, საავადმყოფოდან გამოწერეს. 19 წლის მაკო გომურმა „ნიუ ჰოსპიტალის" შენობა ოჯახის წევრებთან ერთად დატოვა. გომურს საავადმყოფოსთან გულშემატკივრები ყვავილებით და ბუშტებით დახვდნენ და საჩუქრად კნუტი გადასცეს.
„თავს ძალიან კარგად ვგრძნობ, არაფერი მტკივა ამ წუთას. იყო რთული მომენტები, ტკივილით გათენებული ღამეები, მაგრამ ახლა კარგად ვარ, რადგან გხედავთ ყველას, შემიძლია ყველას დანახვა.
მომხდარი არასოდეს ამოვა ჩემი მეხსიერებიდან. ეს იყო ყველაზე მძიმე ღამე, ძალიან რთულია გახსენება მომენტის, როცა ტყვია მომხვდა და ასევე, იმ წამის, როცა ჩვენკენ მომავალი შეიარაღებული სპეცრაზმი დავინახე. ეს დარჩება ყველაზე მძიმე კადრად ჩემს ცხოვრებაში, რამაც მოახდინა გარდატეხა.
თუმცა, ვდგავარ მყარად და მინდა, თქვენც დაგანახოთ, რომ მყარად ვდგავარ. არ შევწყვეტ ბრძოლას ჩემი ჯანმრთელობის გამო, რომ მივიყვანო ყველაფერი ბოლომდე და დავიბრუნო ჩემი პატარა თვალი," - განაცხადა მაკო გომურმა.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
