ქართველ მორაგბეებს რუსეთში თბილისის აქციების სოლიდარობისთვის კონტრაქტი შეუწყვიტეს

რუსეთში მოასპარეზე ორ ქართველ მორაგბეს კლუბმა „სლავამ“ კონტრაქტი შეუწყვიტა. „რუსთავი 2“-ის ინფორმაციით, რუსეთის ჩემპიონატში მოასპარეზე "სლავამ" რეზი ბროძელი და საბა ილურიძე გუნდიდან მას შემდეგ გაუშვა, რაც მათ ლელოს დადება თვალზე ხელაფარებულებმა აღნიშნეს.

ამ ფორმით მორაგბეებმა საქართველოში 20 ივნისს განვითარებული მოვლენები გააპროტესტეს და სოლიდარობა გამოხატეს.

ამ ჟესტით ჩემს ხალხს გამოვუცხადე მხარდაჭერა და არა პოლიტიკოსებს, - ამის შესახებ რუსულ „სალავაში“ მოასპარეზე ქართველმა მორაგბემ რეზი ბროძელმა „რაგბი TV“-ის განუცხადა.

ბროძელმა მისთვის და საბა ილურიძისთვის კონტრაქტის შეწყვეტაზე ისაუბრა, რისი მიზეზიც ერთ-ერთ თამაშში დადებული ლელოს აღნიშვნა გახდა, ბროძელმა და ილურიძემ თვალზე ხელი აიფარეს და ამ ფორმით გამოუცხადეს სოლიდარობა თბილისში მიმდინარე აქციებს.

"ჩათვალეს, რომ პოლიტიკურად დატვირთული იყო და რუსეთზე მქონდა გართულება. ამ ჟესტით ჩემს ხალხს გამოვუცხადე მხარდაჭერა და არა პოლიტიკოსებს", - განაცხადა რეზი ბროძელმა.