"გამოვხატავთ აღშფოთებას, რა ფორმითაც დაშალეს აქცია" - ბაჩო ქაჯაიას მიმართვა გადაცემაში
პირველი არხის გადაცემის „ღამის შოუ პირველზე“ წამყვანი ამბობს, რომ საქართველოში მიმდინარე ანტისაოკუპაციო პროტესტს შემოქმედებით ჯგუფთან ერთად უერთდება, ბაჩო ქაჯაიამ ამის შესახებ გადაცემის მონოლოგში ისაუბრა და აქვე აღნიშნა, რომ ეს სეზონის ბოლო გადაცემაა.
"მე და ჩემი შემოქმედებითი ჯგუფი ვუერთდებით იმ სამართლიან პროტესტს, რომელიც გამოიწვია 20 ივნისს პარლამენტში რუსი ოკუპანტების მისვლამ.
ასევე, მინდა გამოვხატო ჩვენი აღშფოთება რა ფორმითაც მოხდა იმავე საღამოს აქციის დაშლა და მინდა, ყველა დაშავებულს მალე გამოჯანმრთელება ვუსურვო - როგორც სამოქალაქო, ასევე სამართალდამცველების მხრიდან.
დღეს „ღამის შოუ პირველზე“-ს სეზონის ბოლო გადაცემაა. შესაბამისად, მე ეთერიდან გემშვიდობებით და აქვე - მინდა გითხრათ, რომ ვუერთდები ძალიან კარგ კამპანიას „გაატარე ზაფხული საქართველოში“. იმედი მაქვს, ქვეყანაში მდგომარეობა მალე დასტაბილურდება, ბევრი თქვენგანი შემოუერთდება ზემოხსენებულ კამპანიას და ერთმანეთს შევხვდებით საქართველოს სხვადასხვა რეგიონში," - განაცხადა ბაჩო ქაჯაიამ.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
