ათენში მყოფი საქართველოს მოქალაქეებისთვის საელჩო განცხადებას ავრცელებს

საქართველოს საელჩო საბერძნეთში განცხადებას ავრცელებს.

დიპლომატიური უწყება საქართველოს მოქალაქეებს ძლიერი მიწისძვრის გამო, საჭიროების შემთხვევაში, დახმარებას სთავაზობს:

„საქართველოს იმ მოქალაქეებს, რომლებსაც შესაძლოა ესაჭიროებოდეთ საქართველოს საელჩოს დახმარება, დღეს, საბერძნეთის დროით 14:30 საათზე, ათენიდან 23 კილომეტრში, რიხტერის შკალით 5.3 სიმძლავრის მიწისძვრის შედეგად, შეგახსენებთ, რომ 24 საათის განმავლობაში ფუნქციონირებს საელჩოს ცხელი ხაზი +30 699 577 9793“.

მიწისძვრის ეპიცენტრი დედაქალაქიდან დაახლოებით 22 კმ-ს დაშორებით მდებარეობდა. თვითმხილველების თქმით, ხალხი ქუჩაში გარბოდა, სასწრაფოდ მოხდა მაღალსართულიანი შენობების ევაკუაცია. ელექტროენერგიის მიწოდების შეწყვეტის შედეგად ლიფტში ჩარჩენილი მოქალაქეები მაშველებმა გამოიყვანეს.

სერიოზულ დაზიანებებსა და ზარალზე ინფორმაცია ჯერჯერობით არ ვრცელდება.