ავტორი:

"ძველი მანქანა დავასტიკერეთ და მონაცვლეობით ვტაქსაობთ" - შვილების წამოწყება ლეიკემიით დაავადებული დედის დასახმარებლად

"ძველი მანქანა დავასტიკერეთ და მონაცვლეობით ვტაქსაობთ" - შვილების წამოწყება ლეიკემიით დაავადებული დედის დასახმარებლად

#მაიასთვის დავამარცხოთ ლეიკემია - ამ წარწერით თბილისის ქუჩებში ტაქსი გამოჩნდა. როგორ გაირკვა, ეს ორი ახალგაზრდას წამოწყებაა, რომლებიც დედის დასახმარებლად ფულს ამ ხერხით აგროვებენ.

54 წლის მაია ქართველიშვილს მწვავე ლეიკემია დაუდგინდა. ის ამჟამად თურქეთში Florence Nightingale Istanbul- ის კლინიკაში იმყოფება. მისი სიცოცხლის გადასარჩენად საჭიროა მაღალდოზირებული ქიმიის კურსი და ღეროვანი უჯრედების ტრანსპლანტაცია, რაც ამ ეტაპზე 150 000$ ჯდება. თანხის შესაგროვებლად ოჯახს არ გააჩნია საკმარისი სახსრები.

"ფეიბუქზე" ასევე შექმნილია გვერდი, სადაც ქალბატონის დასახმარებლად ინტერნეტმომხმარებლები არიან გაერთიანებული.

"მოგესალმებით მეგობრებო, უკვე ორი დღეა, რაც ჩვენი ოჯახის ძველი მანქანა დავასტიკერეთ და მონაცვლეობით ვტაქსაობთ მე და ჩემი ძმა, ჩვენი ტაქსი საქველმოქმედოა, აქ არავინ არავის არ ევაჭრება, თუ მგზავრს არ აქვს საშუალება, უფასოდ მიგვყავს დაიშნულების ადგილზე, ხოლო თუ აქვს რაიმე საშუალება, მანქანაში მოთავსებულ ყუთში აგდებს თანხას თავისი სურვილისამებრ, მოგროვილი თანხა კი მთლიანად დედას ჯანმრთელობას მოხმარდება.

ძალიან დიდი მადლობა მინდა გადავუხადო თითოეულ გულისხმიერ ადამიანს, ვინც ერთი ლარით მაინც გვეხმარება და მომავალში დაგვეხმარება, უთქვენოდ მეგობრებო, ჩვენ არ შეგვიძლია მკურნალობისთვის საკმარისი თანხის მოგროვება.

მჯერა, რომ სიკეთე გადამდებია, კიდევ ერთხელ გთხოვთ გავერთიანდეთ დედასთვის და გადავარჩინოთ მისი სიცოცხლე.

p.s გთხოვთ ამ პოსტის გავრცელებაში დამეხმაროთ, რათა მარტივად ამოიცნონ მოქალაქეებმა ტაქსი, რომელიც იბრძვის სიცოცხლის გადასარჩენად

კიდევ ერთხელ დიდი მადლობა ყველას, მჯერა, რომ მე და რატი თუ ვერა, ღმერთი აუცილებლად ყველას სიკეთით გადაგიხდით" - წერს "ფეისბუქზე" მაია ქართველიშვილის შვილი ნიკა ქართველიშვილი.

დახმარების მსურველებს თანხის ჩარიცხვა შეუძლიათ:

საქართველოს ბანკი - GEL EUR USD GE95BG0000000161310779

TBC ბანკი - GEL EUR USDGE28TB7739345064300013 TBC

მიმღები რატი ქართველიშვილიპ/ნ 01019072195

ტელეფონი: 591 819 819

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ