თბილისში, იოსებიძის ქუჩაზე კნუტის გადასარჩენად სამაშველო ოპერაცია ჩატარდა. ფაქტს ჟურნალისტი თამთა ასათიანი შეესწრო, რომელმაც მომხდარის შესახებ "ფეისბუქზე" დაწერა:
"გამოვედი სამსახურიდან, გზა გადაკეტილია, პატრული, უზარმაზარი სამაშველოს მანქანა და მაშველები... აღმოჩნდა, რომ კნუტი იყო გაჩხერილი ერთ-ერთ აივანზე და მის გადასარჩენად სპეცოპერაცია ჩატარდა! კნუტი გადარჩენილია" - წერს თამთა ასათიანი.
პატარა, წითური კნუტი ცხოველთა მონიტორინგის სააგენტოს მაშველებმა გადაარჩინეს და უსაფრთხო ადგილას გადაიყვანეს.
ფოტო: გიორგი ნიკოლიშვილი