ჯარჯი აქიმიძისა და დავით დვალის პასუხი ქიბარ ხალვაშის შეთავაზებაზე - "არ დაგვაკმაყოფილა 40%-მა"

ქიბარ ხალვაში მართალია, ჩვენ არ დაგვაკმაყოფილა 40%-მა და ეს სახეზეც შეგვეტყო, - ამის შესახებ ჯარჯი აქიმიძემ ჟურნალისტებს განაცხადა.

მისი თქმით, ის და დვალი 40-%-ზე არ არიან თანახმა და ამას დაასაბუთებენ. აქიმიძე არ გამორიცხავს, რომ ამის შემდეგ დიალოგი კვლავ გაგრძელდეს.

ქიბარ ხალვაშმა დავით დვალსა და ჯარჯი აქიმიძეს "რუსთავი 2"-ის 40%-იანი წილი შესთავაზა. მათი შეხვედრა ცოტა ხნის წინ დასრულდა.

"შევთავაზე, რომ ყოფილიყვნენ პარტნიორები, შევთავაზე "რუსთავი 2"-ის 40 პროცენტი, რაზეც ბედნიერება ვერ შევატყე, მაგრამ არც ისეა, რომ ხვალ ამაზე საუბარი არ გაგრძელდეს. თვითონაც მითხრეს წინადადება, რომელიც ჩემი მხრიდან საფიქრალია. მოვიფიქრებ",- განაცხადა შეხვედრის დასრულების შემდეგ ქიბარ ხალვაშმა.

• VIDEO: ქიბარი არაფრით არ არის ვალდებული ჩვენთან... ვერანაირ მოთხოვნას ვერ წავუყენებ - დავით დვალი