ტრაგედია ოდესაში - სასტუმროში გაჩენილ ხანძარს 8 ადამიანი ემსხვერპლა

უკრაინაში, ოდესაში მდებარე სასტუმრო "ტოკიო სტარში" გაჩენილ ხანძარს 8 ადამიანის სიცოცხლე ემსხვერპლა. ამის შესახებ უკრაინის საგანგებო სიტუაციების სამსახური იუწყება.

ხანძრის შედეგად 10 ადამიანი დაშავდა. საგანგებო სიტუაციების სამსახურის ინფორმაციით, ხანძარი გამთენიისას, დაახლოებით დილის 03:35 საათზე გაჩნდა სასტუმროს მეორე სართულზე და 1000 კვ. მეტრს მოედო. ჯერჯერობით ხანძრის გამომწვევ მიზეზებზე არ საუბრობენ.

უცნობია ისიც, თუ სულ რამდენი ადამიანი იმყოფებოდა ინციდენტის დროს 273-ნომრიან სასტუმრო „ტოკიოში“.

მეხანძრეებს ხანძრის ჩასაქრობად 3 საათი დასჭირდათ.