"მოუვლელი, ნაგავში ჩაფლული..." - რა ფოტოებს ავრცელებს ინტერნეტმომხმარებელი რესპუბლიკური საავადმყოფოს ეზოდან

მშენებლობის ექსპერტი ბესიკ საბაშვილი "ფეისბუქის" პირად გვერდზე ფოტოებს აქვეყნებს, რომელზეც ვაჟა-ფშაველას გამზირზე მდებარე რესპუბლიკური საავადმყოფოს ეზოში არსებული მდგომარეობაა ასახული.

როგორც ფოტოებიდან ჩანს, ეზო პლასტმასის ბოთლებით და ნარჩენებითაა დაბინძურებული, გამხმარია ხეები.

"ქალაქის ცენტრი. რესპუბლიკური საავადმყოფოს ეზო. მოუვლელი, ნაგავში ჩაფლული, გავერანებული. პ.ს. ხომ არ გეჩვენებათ რომ აფხაზეთის და ცხინვალის დაბრუნება არ დაბრუნების საკითხი ამ ეზოზეც გადის?" - წერს საბაშვილი ფოტოების კომენტარში.