მელანია და ბრიჯიტი მსოფლიოს ყურადღების ცენტრში - მაკრონმა და ტრამპმა ქმრები დაჩრდილეს

იმის მიუხედავად, რომ მსოფლიო ლიდერები „დიდი შვიდეულის“ სამიტზე უმნიშვნელოვანეს საკითხებზე მსჯელობდნენ, მათი ცოლებისთვის თვალის დევნება მსოფლიო მედიისთვის არანაკლებ საინტერესო აღმოჩნდა. სამიტი საფრანგეთში გაიმართა და პირველ ქალბატონებს ბრიჯიტ მაკრონი მასპინძლობდა.

ფოტორეპორტიორები ფეხდაფეხ დასდევდნენ საფრანგეთის პირველ ლედის და მის სტუმრებს, რომელთა შორის, ცხადია, ყველაზე მეტი ყურადღება მელანია ტრამპმა დაიმსახურა.

49 წლის მელანია ყველა შეხვედრაზე შესანიშნავად გამოიყურებოდა. გუშინ კი, სერფერებთან სტუმრობისას აშშ-ს პირველი ლედი ალაიას 4 500 დოლარად ღირებული კაბით გამოჩნდა.

რაც შეეხება ფეხსაცმელს, ტრამპმა საყვარელ ბრენდს „ლაბუტინს“ არც ახლა უღალატა.

ამავე ღონისძიებაზე ბრიჯიტ მაკრონს, რომელიც საგრძნობლად არის გარუჯული, ღია ფერის კაბა და „ლუი ვიტონის“ ფეხსაცმელი ეცვა.