ვრცელდება ფოტო, რომელზეც 3 წლის ბავშვის დაჭრაში ბრალდებული ქალია ასახული
სოციალურ ქსელში ვრცელდება ქალის ფოტო, რომელმაც პეკინის გამზირზე 3 წლის ბავშვი სახის არეში ცივი იარაღით დაჭრა. მას ამ დრომდე პოლიცია ეძებს. როგორც შინაგან საქმეთა სამინისტროში აცხადებენ, მომხდარ ფაქტთან დაკავშირებით სამართალდამცველები აქტიურ საგამოძიებო მოქმედებებს აწარმოებენ. გამოძიება 117-ე მუხლის მე-5 ნაწილით დაიწყო, რაც ჯანმრთელობის განზრახ მძიმე დაზიანებას გულისხმობს.
ასევე TV25-მა გაავრცელა ახალი კადრები, რომელშიც მომხდარი ინციდენტი ნათლად ჩანს...
ცნობისთვის, შემთხვევა პეკინის გამზირზე გუშინ მოხდა. თვითმხილველების ინფორმაციით, მცირეწლოვანი მშობლებთან ერთად ტროტუარზე გადაადგილდებოდა, რა დროსაც მასთან უცნობი ქალი მივიდა და სახეზე დანით ჭრილობა მიაყენა. დანაშაულის ჩადენის შემდეგ ის შემთხვევის ადგილიდან მიიმალა.
"მცირეწლოვანი ბავშვი მშობლებთან ერთად ტროტუარზე მოდიოდა, რა დროსაც მათ წინ შემოეგებათ უცნობი ქალბატონი, მიუახლოვდა ბავშვს და სახის არეში დანა გადაუსვა და გაიქცა" - ამბობს თვითმხილველი.
რაც შეეხება მცირეწლოვანს, ის სასწრაფო დახმარების მანქანით საავადმყოფოში გადაიყვანეს. მას ჟვანიას კლინიკაში ოპერაცია ჩაუტარდა.
როგორც კლინიკის პედიატრიული განყოფილების ექიმმა, მედეა რამიშვილმა ჟურნალისტებს განუცხადა, ჭრილობა სახის არეში არის ღრმა, თუმცა სიცოცხლისთვის შეუთავსებელი არ არის და ბავშვი კონტაქტურია.
"ჩვენს კლინიკაში სასწრაფო დახმარებამ 3 წლის პაციენტი მოიყვანა, რომელსაც ღრმა ჭრილობა ჰქონდა მიყენებული ცხვირისა და მარჯვენა ყვრიმალის არეში. ამჟამად პაციენტის მდგომარეობა დამაკმაყოფილებელია. ზოგადი მდგომარეობა იყო საშუალო სიმძიმის, ბავშვი კონტაქტური იყო. აყვანილია საოპერაციოში და მიმდინარეობს ქირურგიული ოპერაცია, მოხდება ჭრილობის გაკერვა“, - განაცხადა მედეა რამიშვილმა.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
