"აფეთქებები, ავტორალი... სულ სხვა სამყაროში მეგონა თავი" - ვინ არის ქართველი ქალი, რომელსაც "ფორსაჟში" იღებენ

პროგრამის "გადაიღე საქართველოში" ფარგლებში, ჰოლივუდის კინომწარმოებელი კომპანიის UNIVERSAl PICTURES ერთ-ერთი ყველაზე პოპულარული ფილმის კიდევ ერთი ეპიზოდის - Fast and Furious 9 ("ფორსაჟი 9") გადაღება 19 აგვისტოს დაიწყო და 20 სექტემბერს დასრულდება. როგორც პროგრამის "აწარმოე საქართველოში" მიერ გავრცელებულ განცხადებაში ვკითხულობთ, გადამღები ჯგუფი 600 ადამიანისგან შედგება, მათ შორის 425 ადგილობრივი პერსონალია...

• VIDEO: უამრავი დალეწილი მანქანა - რა ხდებოდა რუსთავში "ფორსაჟის" გადაღებისას

განცხადებაში აღნიშნულია, რომ საქართველოში გადაღებების წარმოებისათვის ბიუჯეტი 32 მილიონამდე ლარით არის განსაზღვრული. ფილმში მონაწილეობს ეთო მდინარაძეც, რომელსაც გარეგნობის გამო "ჯულიეტა მაზინას" ეძახიან... გადაღებიდან დაბრუნებულმა, თავისი შთაბეჭდილებები ჟურნალ "გზის" მკითხველს გაუზიარა...

- ამ ფილმს მსოფლიო ელოდება და ყურადღების ცენტრშია! ეს იყო საოცრება. მაგარი შეგრძნებაა, როცა მსგავსი ფილმის გადაღება შენ თვალწინ ხდება - აფეთქებები, ავტორალი... პროფესიონალების უზარმაზარი ჯგუფი მუშაობს ფილმზე. ყველაზე ახალი ტექნოლოგიები და აპარატურა აქვთ, რაც კი არსებობს მსოფლიოში. სულ სხვა სამყაროში მეგონა თავი... რაც შეეხება როლს, ეპიზოდებს - ვერაფერს გავამხელ! ხელი მოვაწერეთ კონტრაქტზე და ჯარიმა საკმაოდ სოლიდურია... იმხელა მნიშვნელობის ფილმია და იმდენად დიდია ინტერესი, რომ წინასწარ რაიმეს გამჟღავნების უფლება არ გვაქვს...

- როგორ აღმოჩნდით ამ ფილმში?

- ჰოლივუდის დავალებით თბილისში კასტინგი გამოცხადდა, სადაც ჩემმა მეგობარმა - ლელა დალაქიშვილმა ჩემი ფოტოები დაუკითხავად გადაგზავნა. ჰოლივუდიდან მოვიდა პასუხი, რომ მე ფილმში მივიღებ მონაწილეობას... დაგვიბარეს 15 აგვისტოს და ამირჩიეს ოთხი სხვადასხვა სამოსი... ემოციებზე ნუ მკითხავთ... პირადად ჩემთვის წარმოუდგენელი რამ იყო, როდესაც დამირეკეს და მითხრეს, თქვენ ჰოლივუდურ ფილმში მიიღებთ მონაწილეობასო. სიხარულით ბოლო ხმაზე ვკიოდი. ამაზე ალბათ, ბევრი ოცნებობს; აქ უბრალოდ კადრში გამოჩენაც კი სანატრელი რამაა! მოგეხსენებათ, ფილმში მსოფლიო დონის ვარსკვლავები მონაწილეობენ...წაიკითხეთ სრულად ინტერვიუ