ავტორი:

პანაშვიდზე ვარსკვლავები და მსოფლიო ლიდერები შეიკრიბნენ - ჟაკ შირაკს დღეს დაკრძალავენ

პანაშვიდზე ვარსკვლავები და მსოფლიო ლიდერები შეიკრიბნენ - ჟაკ შირაკს დღეს დაკრძალავენ

პანაშვიდზე ვარსკვლავები და მსოფლიო ლიდერები შეიკრიბნენ - ჟაკ შირაკს დღეს დაკრძალავენ

საფრანგეთის ყოფილ პრეზიდენტის, ჟაკ შირაკის ხსოვნას პარიზში დღეს სამხედრო პატივი მიაგეს - შირაკი 86 წლის ასაკში რამდენიმე დღის წინ გარდაიცვალა.

„დეილი მეილი“ ავრცელებს ფოტოებს, სადაც ჩანს, როგორ დგას საფრანგეთის მოქმედი პრეზიდენტი ემანუელ მაკრონი შირაკის კუბოსთან. მოგვიანებით კი ეკლესიაში პანაშვიდი გაიმართა.

ემანუელ მაკრონი ჟაკ შირაკის ქალიშვილს და სიძეს ესაუბრება

სტუმრებს შორის არიან საფრანგეთის ყოფილი პრეზიდენტი ნიკოლა სარკოზი ცოლთან, ყოფილ ტოპ-მოდელთან კარლა ბრუნისთან ერთად, ასევე - რუსეთის პრეზიდენტი ვლადიმერ პუტინი, აშშ-ს ყოფილი პრეზიდენტი ბილ კლინტონი, უნგრეთის პრემიერ-მინისტრი ვიქტორ ორბანი და გერმანიის პრეზიდენტი ფრანკ-ვალტერ შტაინმაიერი.

ფოტორეპორტიორებს არც მსახიობი სელმა ჰაიეკი გამორჩენიათ - ის ქმართან, ცნობილ ფრანგ მილიარდერთან ფრანსუა-ანრი პინოსთან ერთად გადაიღეს.

ყოფილი პრეზიდენტისთვის უკანასკნელი პატივის მისაგებად მოქალაქეები რამდენიმე დღე იდგნენ რიგში.

ჟაკ შირაკი საფრანგეთის პრეზიდენტის პოსტს 1995-2007 წლებში იკავებდა, 1977-დან 1995 წლამდე კი პარიზის მერი იყო.

აღსანიშნავია, რომ ჟაკ შირაკის მმართველობის ბოლო წლები კორუფციის სკანდალებით იყო ცნობილი, თუმცა, სწორედ მისი პრეზიდენტობის დროს შეუერთდა საფრანგეთი ევროზონას. ამასთან, მისი ერთ-ერთი ყველაზე მნიშვნელოვანი რეფორმა იყო საპრეზიდენტო ვადის 7-დან 5 წლამდე შემცირება.

მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"

პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა

"პუტინის მზარეულის" საცეცები მსოფლიო სოციალურ ქსელებში - როგორ მუშაობს რუსული "ტროლების ფაბრიკა"