აშშ-ს საელჩო: "დღეს, როგორც არასდროს, ყვითელი ფოთლები სიჩუმეს ჰგავს"

აშშ-ს საელჩო საქართველოში გია ყანჩელთან დაკავშირებით განცხადებას ავრცელებს და აღნიშნავს, რომ კომპოზიტორი მთელმა მსოფლიომ დაკარგა.

„დღეს მსოფლიომ ლეგენდარული კომპოზიტორი, გია ყანჩელი დაკარგა. მისი მუსიკა კვეთდა დროისა და კულტურის საზღვრებს და ის სამუდამოდ გააგრძელებს ცხოვრებას.

დღეს, როგორც არასდროს, ყვითელი ფოთლები სიჩუმეს ჰგავს,“ - აღნიშნულია განცხადებაში.

კომპოზიტორი გია ყანჩელი 84 წლის ასაკში გარდაიცვალა.

გენიალური გია ყანჩელის შემოქმედებას განეკუთვნება უკვდავი კინომუსიკა: "არ დაიდარდო", "ქვევრი", "არაჩვეულებრივი გამოფენა", "მიმინო", "შერეკილები", "როცა აყვავდა ნუში" და სხვა.

ასევე - ოპერა "და არს მუსიკა" (1983წ.), 6 სიმფონია, კონცერტი სიმფონიური ორკესტრისათვის (1962 წ.); ლარგო და ალლეგრო სიმებიანი ორკესტრის, ფორტეპიანოსა და ლიტავრებისათვის (1963 წ.); "სევდა ნათელი" - ბიჭუნათა გუნდის, ორი სოლისტისა და დიდი სიმფონიური ორკესტრისათვის (1985 წ.); მუსიკა სპექტაკლებისთვის: "ხანუმა", "კავკასიური ცარცის წრე", "რიჩარდ III"; (შოთა რუსთაველის თეატრის დადგმები)...