მეუფე იაკობი პატრიარქის ქორეპისკოპოსი აღარ არის: "ვრჩები ეპარქიაში"
ბოდბელი ეპისკოპოსი მეუფე იაკობი პატრიარქის ქორეპისკოპოსის თანამდებობას ტოვებს. შესაბამისი განცხადება მეუფე იაკობმა რამდენიმე წუთის წინ ჟურნალისტებთან, საპატრიარქოდან გამოსვლის შემდეგ გააკეთა.
"მოსული ვიყავი სპეციალურად, რომ უწმინდესი მენახა და ჩემი გადაწყვეტილების შესახებ მესაუბრა.
მივიღე გადაწყვეტილება და გადავდექი ქორეპისკოპოსობიდან და საფინანსო-ეკონომიკური საბჭოს თავმჯდომარეობიდან. ოღონდ მე გადავდექი. ეს ჩემი პირადი გადაწყვეტილებაა.
ვრჩები ეპარქიაში. მრევლს და ერს ყველას კიდევ ერთხელ გეუბნებით, რომ შენდობას ვითხოვ და ბოდიშს ჩემი ისეთი სახით საუბრისთვის. შეხვედრას ჩვენ ორნი ვესწრებოდით" - განაცხადა სასულიერო პირმა.
მეუფე იაკობის ქორეპისკოპოსის თანამდებობიდან გათავისუფლების შესახებ, საპატრიარქომ სრულიად საქართველოს კათოლიკოს-პატრიარქის, ილია მეორის ბრძანება გაავრცელა:
"ა.წ. 28 ოქტომბრიდან მთავარეპისკოპოსი იაკობი (იაკობიშვილი) პირადი თხოვნის საფუძველზე გათავისუფლდეს საქართველოს კათოლიკოს პატრიარქის ქორეპისკოპოსის და საქართველოს საპატრიარქოს საფინანსო-ეკონომიური საბჭოს თავმჯდომარის მოვალეობებიდან“, - ნათქვამია პატრიარქის ბრძანებაში.
ბოდბელი ეპისკოპოსი კიდევ ერთხელ აცხადებს, რომ მის მიერ რამდენიმე დღის წინ გაკეთებული განცხადება სიმართლეა და საკუთარი სიტყვები უკან არ მიაქვს.
მეუფე იაკობი მის მიერ გაკეთებული განცხადებისას შეურაცხმყოფელი ლექსიკის გამოყენების გამო საზოგადოებას ბოდიშს უხდის. როგორც ჟურნალისტებს განუცხადა, ყველას შენდობას სთხოვს, თუმცა საზოგადოებამ მისი მდგომარეობაც უნდა გაითვალისწინოს, რადგან სამი წელია ბევრ მნიშვნელოვან ინფორმაციას ასაიდუმლოებდა.
კლინიკაში მოთავსებული 2 ჩვილის მდგომარეობა სტაბილურად მძიმეა, ერთის კი უკეთესი - ლალი ტურძელაძე პაციენტების მდგომარეობაზე
"ერთ-ერთმა მოქალაქემ იყიდა ქლოროქინის განსხვავებული ფორმა და დაიღუპა" - აშშ-ში მცხოვრები ექიმი კორონავირუსის მკურნალობის მითებსა და თვითმკურნალობის მავნებლობაზე
