"ბიძინა გამაერთიანებელი..." - პოლიტიკოსების ფოტო აქციიდან, რომელიც "ფეისბუქზე" გააშარჟეს
პარლამენტის წინ საპროტესტო აქცია მიმდინარეობს. მოძრაობა "სირცხვილიას" წევრები და მოქალაქეები პარლამენტში იმ კანონპროექტის ჩავარდნას აპროტესტებენ, რომელიც 2020 წლის საპარლამენტო არჩევნების პროპორციული წესით ჩატარებას ითვალისწინებდა.
"სირცხვილიას" წარმომადგენლები მოქალაქეებს პარლამენტის წინ მისვლისა და მხარდაჭერისკენ მოუწოდებენ. ისინი "ქართული ოცნების" თავმჯდომარის ბიძინა ივანიშვილის მისამართით სკანდირებენ - "წადი".
ცოტა ხნის წინ აქციაზე მივიდნენ ოპოზიციური პარტიის წარმომადგენლებიც. ისინი მანამდე "ლეიბორისტული პარტიის" ოფისში იყვნენ შეკრებილი, აქციაზე კი ხელკავით გამოჩდნენ. პარლამენტის წინ გადაღებულ ფოტოს, სადაც ნინო ბურჯანაძე, ეკა ბესელია, კახა კუკავა, ზვიად კვაჭანტირაძე, შალვა ნათელაშვილი და ოპოზიციის სხვა ლიდერები არიან გადაღებული, სოციალურ ქსელში უკვე აშარჟებენ.
"ეს პოლიტიკური აჯაფსანდალი მეორე უკიდურესობაა. არანაირი არჩევანი რომ არაა"; "დავბერდი და ასეთი არაფერი მინახავს", "აწი მხოლოდ "მეორედ მოსვლა" და აპოკალიფსი თუ გამაკვირვებს"; "ბიძინა გამაერთიანებელი"; "დღეიდან სასწაულების მჯერა" - წერენ სოციალურ ქსელში ინტერნეტმომხმარებლები.
აქციის გამო ამ წუთებში რუსთაველის გამზირი გადაკეტილია. ადგილზე სამართალდამცველები არიან მობილიზებული. აქციაზე ყოფილი პრეზიდენტი გიორგი მარგველაშვილიც იმყოფება.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
